الراجل موتور بنزين…الست موتور ديزل – 1

قبل ما نبدأ كلام،خلونا نتفق أنه لا حياء في العلم. وبما أننا اتفقنا على كده، نتكلم براحتنا. الموضوع ده عمري ما. تخيلت الصراحة اني أكتب عنه، لأني معتبره بديهيات، لكن كل ما أعيش أكثر وأشوف وأسمع أكثر يتضح لي اني كنت غلطان.الموضوع إيه؟ الموضوع هو الفرق بين الراجل والست تشريحيًا ونفسيًا وعقليًا في العلاقة الحميمة أو الintimacy.

طب نبدأ منين؟ الموضوع كبير ومتشعب! بسيطة، نبدأ من البداية خالص. الراجل في الغالب – أغلب الأحيان وأغلب الرجال – بيستثار جنسيًا عن طريق حاسة البصر، يشوف واحدة حلوة، جسمها/مشيتها/رسمتها عاجبينه، فيستثار. الموضوع بالبساطة دي. الست بقى موضوع مختلف تمامًا، حاسة البصر بتلعب دور في الموضوع طبعًا، لكن عادي ان حد يعجبها لما تشوفه، وأول ما يفتح بقه الموضوع ينتهي بالنسبة لها تمامًا، لأن:

أولاً، الحواس كلها عندهم بتلعب دور في الموضوع. مش بس شكلك يعجبها، لأ لازم كمان طبقة صوتك تكون على مزاجها، وطريقة كلامك والألفاظ المستخدمة، ريحتك -استحوا واغسلوا اسنانكم يا جدعان- أو ريحة البرفيوم بتلعب دور أساسي، لما تسلم عليها تكون قبضة إيدك قوية لكن مش غشيمة – السلام المايع يخسرك نقط كتير في أول الماتش، غير انك ما تسيبش إيدها بسرعة، ولا تسيبها الأول. حاسة التذوق دي بقى مش وقتها دلوقت.

موتور البنزين أول ما تدور العربية بيكون جاهز تتحرك به، موتو الديزل بيحتاجك تسخنه الأول. أول نقطة التشبيه ده بينطبق فيها هي ان الراجل لو شاف واحدة عجبته، موتوره دار كده خلاص وجاهز يطلع. الست لأ، البصة هي حطة المفتاح في الكونتاكت. الكلام وطبقة الصوت والألفاظ المستخدمة وريحتك أو ريحة برفانك هي تدويرة الكونتاكت. الforeplay أو المداعبة هو تسخين الموتور. بعد كده بقى تقدر تطلع بالعربية براحتك. قبل كده ممكن، لكن مش حلو علشانك ولا على المكنة، أقصد الموتور يعني.

الforeplay أو المداعبة مش جسدية فقط يا حضرات. بتبدأ من قبل كده بكثير. لازم هي تتخيلكم مع بعض في دماغها، من غير ما يكون الكلام صريح على كده. الكلام اللي يحمل أكثر من معنى، ويا سلام لو بيتقال بوش جد مش ببصة “ما تيجي؟!” بتاعة حمدي الوزير اللي مودياكم في داهية دي. ده أساس المداعبة أو المناغشة. الأفورة مش مطلوبة خالص، بذرة أو اتنين في دماغها كفاية. ضحكها، وطلع منها الضحكة اللي بتكسفها، فيه سبب ان الضحكة دي بترفع التستوستيرون عندنا يا نجم. على العموم وفي المطلق ان وشها يحمر أو تتكسف منك دي علامة إيجابية جدًا وتدل في معظم الأوقات على رغبتها فيك. ده للي لسه بيتكسفوا يعني.

المرة الجاية نتكلم في شوية تفاصيل ثانية أغوط من كده. شوية. ذاكروا الكلام كويس واللي عنده أسئلة يعلق بيها أو يبعتها على curious cat.

خميسكم حلو ورايق.

محمود عثمان

30-3-2017

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s